بشرى سارة لكل شخص عاقل
=================
لو انت مشغول في شغلك
لو الموصلات بتاخد منك ساعات عشان تقدر توصل للمكان المراد
لو انت بتشتكي وبتقول مش لاقي وقت اقعد مع ربنا
لو انت مش لاقي وقت تقعد مع عيلتك
لو انت لسه ماشي ترس في ماكينة
لو انت عاوز تعيد حساباتك في شغلك ومشيئة الله في حياتك
+++++++++++++++++
فالان في خبر حلوووو اووي ليك
بس ياترى في ظل اللي بتمر بيه البلاد من ظروف صعبة وعصيبة
سواء احوال طقس صعب او وباء عالمي
+++++++++++++++++
الخبر الحلو بقي هو انه
فرصتك انك تعيد اولوياتك,,
فرصتك انك تقعد مع ربنا وتتحاجج معاه
اشجعك اووي استثمر الوقت ده
ومتخليش الوقت ده يعدي في خوف وقلق.
ياترى الوقت ده هتستغله في حاجة مثمرة؟؟
ولا هيعدي بس في قراءة الفيس ونفس الاخبار هي هي؟؟
++++++++++++++++
قادر تشوف الفرصة اللي من الوقت ده؟
لو هنقعد في بيوتنا فعلاً عشان منعديش بعض
فده وقت انك تقعد مع ربنا اللي اديلك فترة مقعدش معاه اقعد معاه وتحاجج معاه
لا تترك الله دون ان تأخذ منه
—————-
فده الوقت انك ترتاح فيه من دور العبادة والانشطة الدينية
وتقعد بقي بجد مع ربنا بينك وبينه في علاقة حية معاه وشركة حقيقية وياه
—————-
فده وقت انك تقابل عيلتك
—————-
فده وقت انك تعيد حساباتك في امور كتير
—————-
فده وقت انك تعمل حاجات كتير مثمرة مكنش عندك وقت ليها
+++++++++++++++
تحذير هام:
الوقت ده هيعدي هيعدي
بس لما تيجي تبص علي الوقت ده؟
هتقول يااااااه كان عندي فرصة وقعد اسبوع او اثنين في البيت
ولكن مقعدش مع ربنا
مقعدش مع اهلي
مستفدش بالوقت ده
ماخدش وقفة في حياتي عشان اظبط بوصلة حياتي
في اتجاه مشيئة ربنا..
++++++++++++++

تعال نصلي
يارب انا مش عاوز اضيع الوقت ده في توتر وخوف وخلاص
لكن انا محتاج استثمر الوقت ده في حاجة مفيدة
اخرج بيها من الوقت ده
مليان قوة وحماس وتكون فعلا حياتنا مؤثرة

ماريو عادل

إذا افادك المقال بشجعك الاشتراك فى كورس كيف انمو https://talmazaonline.com/courses/growth/