(و أغني في حياتي عالماً اني غريب)

(و أغني في حياتي عالماً اني غريب)

هو احنا ليه زعلانين و مخنوقين ؟! .. و ناس كتير حوالينا بيقولوا احنا حياتنا وقفت!!
للدرجة دي مش واثقين في خطط و محبة ربنا لينا!!

الفترة دي اكتر وقت فهمت فيه معني ان لا فلوس بتنفع و لا مركز بيساعد و ان بجد ده مش مكانا و مفيش حاجة تستاهل هنا و اننا المفروض نجهز نفسنا لمكانا الحقيقي اللي لازم نكون مستحقينة ..
و منتمسكش بالعالم علشان رب العالم هو الاهم ، و من حبه فينا كل ده بيحصل علشان يقولنا مفيش حاجه هتفيدنا لو حبنا ليه مش مجرد من كل حاجة بمعني انه حب من غير طلبات و مش كلمة بنقولها و خلاص ، لا ده حب بيسري في عروقنا و بيتغلل في اعماقنا بينضف قلوبنا و ينور حياتنا و يخلي كل الدنيا متسواش قدام صلاة من القلب لربنا نحس فيها انه واقف قدامنا و بيضحك ، و ثقة و ايمان ان كل اللي من ايده حلو ، و حقيقي الوقت ده اكتر وقت احس بالسلام و الهدوء و بحضور ربنا حوالينا .. يمكن لما العالم سكت قدرت اسمع صوت ربنا اكتر بوضوح !!!

انت وحشتني قوي و احنا بنحبك جداً يا رب و حقيقي مش عايزين غيرك لان الدنيا دي ولا حاجة قدام لمسة منك ، شكراً يا رب.
بقلم الصديقة/ سارة

إذا افادك المقال بشجعك فى الاشتراك فى كورس كيف انمو فى حياتى مع المسيحhttps://talmazaonline.com/courses/growth/